KOMUNIKADO POLISIAL: Korps Politie Caribisch Nederland – KPCN KASO DI ASESINTO I DETENSHON

Djaluna 16 di febrüari, alrededor di 09.20 or di mainta, ‘meldkamer’ sentral a risibí notifikashon di un persona ku no ta duna señal di bida na un institushon na Kaminda Lagun. A dirigí patruya i ambulans na e sitio pero no por a hasi nada mas pa e víktima.

Tim di reshèrshi i e tim di investigashon forénsiko a hasi investigashon preliminar i por konfirmá ku no ta trata di un morto natural. Ta investigando e kaso.

Polis ta pidi tur persona ku tin informashon relevante pa e investigashon, pa mèldu esaki via di e liña di tep anonimo 9310.

 

Djaluna 16 di febrüari, alrededor di 6 or di atardi, a tene un entrada hudisial na un kas situá na Kaya Beni en konekshon ku e kaso ku a tuma lugá na un institushon na Kaminda Lagun.

En konekshon ku e mesun kaso aki, a detené un sospechoso alrededor di 4 or di mardugá di awe djamars 17 di febrüari na warda di polis. Ta trata di un hòmber di inisial H.F.W. di 30 aña di edat. Investigashon den e kaso ta kontinuá.

Polis ta pidi tur persona ku tin informashon relevante pa e investigashon, pa mèldu esaki via di e liña di tep anonimo 9310.