Commandeursweg awor tin krusada elevá pa un tráfiko mas sigur

Willemstad – Minister Charles Cooper huntu ku Servisio pa Obra Públiko (OW) ta informá ku trabounan pa kreá krusadanan elevá riba Commandeursweg den área di Sun Valley a terminá.

Meta di e medida infrastruktural aki ta pa alsá seguridat di tráfiko den e bario. Esaki ta parti di un programa di mas aña pa hasi nos barionan mas seif.

Minister Charles Cooper huntu ku OW ta gradisí tur habitante pa e pasenshi demonstrá, i ta pidi tur outomobilista pa move trankil.