Detenshonnan den kuadro di ‘Aktua robes, sinti’e umbes’
KUERPO POLISIAL KORSOU
KOMUNIKADO DI PRENSA
050/2026
18 februari 2026
Detenshonnan den kuadro di ‘Aktua robes, sinti’e umbes’
Den kuadro die akshon ‘Aktua robes sinti’e umbes’ ku tabata vigente durante die marchanan di Karnaval, polis a realisa un kantidat di detenshon.
Tantu riba dia di Marcha Hubenil komo Karnaval di Banda Bou, tabatin un (1) detenshon pa respektivamente violashon di lei di opio i buracheria publiko.
Durante di Marcha di Tiner polis a realisa 13 detenshon, di kua 12 tabata hende homber i un hende muhe.
E detenshonnan tabata pa entre otro buracheria publiko, kore sin helmu i sin dokumentunan balido di vehikulo i violashon die lei di opio.
Pa Gran Marcha a registra detenshon di 12 hende homber i un (1) hende muhe.
E violashonnan di lei ku mas tantu a bini dilanti tabata faltamentu ku lei di
identifikashon, no sigui instrukshon duna dor di outoridat i violashon di lei di opio.
Despedida Hubenil a konta ku detenshon di 11 hende homber pa violensia den publiko, kore sin helmu i violashon di lei di opio.
Durante di Gran Marcha di Despedida, polis a hasi 12 detenshon, di kua tur tabata hende homber.
Mayoria di e detenshonnan aki tabata pa violensia den publiko, maltrato i buracheria publiko.
Mayoria di e detenshonnan realisa durante di e marchanan di Karnaval, a tuma luga riba Weg naar Welgelegen, Roodeweg, Breedestraat (O) Brionplein.
Un kantidat di e personanan detene a hasi un transakshon mesora, mientras algun a risibf un ‘dagvaarding1 pa presenta den korte despues.
E nashonalidat di esnan detene pa gran parti ta Hulandes. Aparte di eseinan, tabatin tambe sospechosonan di nashonalidat Hamaikino i Dominikano.
Ministerio Publiko a genera na transakshon un suma di XCG 3219,-.
