KAMPIONATO FEMENINO 2025-2026 TA INISIÁ, DJADUMINGU 22 DI FEBRÜARI 2026 DEN STADION DR. ANTOINE MADURO!
KAMPIONATO FEMENINO 2025-2026 TA INISIÁ, DJADUMINGU
22 DI FEBRÜARI 2026 DEN STADION DR. ANTOINE MADURO!
Despues di algun luna sin futbòl femenino, djadumingu 22 di febrüari 2026, Kampionato
Femenino 2025-2026 ta inisiá den Stadion Dr. Antoine Maduro.
E aña aki Kampionato Femenino ta konta ku un total di 8 klup ku tin 13 tim ku lo partisipá den
kategorianan U-15, U-17 i Senior, kontra otro na diferente tereno rònt Kòrsou.
E ekiponan aki ta lo siguiente;
Senior;
1. Atletiko Saliña
2. Centro Juve
3. Undeba
4. Victory Boys
5. Hubentut Fortuna
6. Excellence School
U-17;
1. Atletiko Saliña
2. Centro Juve
3. Undeba
U-15;
1. Atletiko Saliña
2. Centro Juve
3. C-Stars United
4. FC Sithoc
Skema pa apertura femenino;
Stadion Fecha Kategoria Orario Tim di Kas Bishitante
Dr. Antoine
Maduro 22-2-2026 Senior 15:45 Atletiko Saliña Centro Juve
FEDERASHON FUTBÒL KÒRSOU
Fundá 23 di mei 1921, Afiliá na F. I. F. A. CONCACAF, C. F. U.
P. O. BOX 341
HASI DEPORTE TA FORMA PATRIA
Adrès: Bonamweg nst. 49 Telefòn: (599-9) 736-5042/ 736-5040, Fax: (599-9) 736-5047, e-mail: competitions@ffk.cw,
website: http://www.ffk.cw
E inisio di e kampionato aki lo konta ku palabranan di e presidente di FFK i un miembro di
direktiva na komienso di e partidonan den Stadion Dr. Antoine Maduro pa despues bala kuminsá
lora.
Tur e weganan lo ta grátis ku eksepshon di e partido inougural debí ku e lo ta un ‘voorwedstrijd’
di Kampionato FFK Promé Divishon. Pues pa e partido aki so entrada lo kosta solamente cg.6,-
pa adulto miéntras mucha di 6 pa 12 aña i 60+ ta paga solamente cg. 3,-.
Karchinan ta optenibel na lokèt di stadion un ora promé ku e partido inisiá.
Manera tur aña Komishon Femenino ta spera ku e kampionato aki tambe lo ta unu éksitoso,
deportivo ku e meta pa desaroyá kada hungadó den nan abilidatnan futbolístiko i hasi futbòl
femenino mas atraktivo p’asina yuda engrandesé futbòl femenino aki na Kòrsou.
Komishon Femenino ta deseá tur ekipo, e hungadónan, nan entrenadónan, dirigentenan i nos
kuerpo di arbitrahe, hopi éksito durante Kampionato Femenino 25-26!
Un invitashon ta bai pa pueblo di Kòrsou kompletu pa bin apoyá i sostené nos damanan. Bin ku
henter bo famia i disfrutá di algun tremendo partido di futbòl i mira kon nos damanan lo mustra
kiko tur nan tin aden.
20 febrüari 2026
