PREPARASHONNAN TA KONTINUÁ PA NOS SELEKSHON U-20 SU KOMPROMISONAN DURANTE E CONCACAF UNDER-20 QUALIFIERS! NOS HUNGADÓNAN TA KONOSÍ!

PREPARASHONNAN TA KONTINUÁ PA NOS SELEKSHON U-20 SU KOMPROMISONAN DURANTE E CONCACAF UNDER-20 QUALIFIERS!

NOS HUNGADÓNAN TA KONOSÍ!

 

Tiki tiki pero sigur e inisio di e 2026 Concacaf Under-20 Qualifiers ta aserkando i e preparashonnan ta kontinuá pa nos selekshon nashonal kategoria U-20 duna un bon bataya durante e kampionato aki. 

 

Nos selekshon U-20 ta bou di guia di ‘bondscoach’ Dean Gorré i e ta wòrdu asistí pa Gregory Hieronimus i Rowendy Sumter komo entrenadó di portero. Esun enkargá ku nos materialnan ta Olivier Windster, nos masagistanan ta Clinton Leocadia ku Robert Duncan miéntras dòkter Ramfis Fillet tambe ta kompañá nos selekshon. E ‘team manager’ ta Liviéna Rijnschot i e hefe di delegashon ta Rudsel Schmidt, miembro di direktiva di FFK.

 

Nos selekshon nashonal U-20 ta konsistí di e siguiente hungadónan:

 

1. Giuliano Bonevacia (FC Groningen, Hulanda)
2. Irdjoailly Emelina (RVVH, Hulanda)
3. Mishean Leuteria (Scherpenheuvel)
4. Kyano Penso (PSV, Hulanda)
5. Jurvain Valentijn (Feyenoord, Hulanda)
6. Mart Jansen (De Graafschap, Hulanda)
7. Jorvimar Martina (PSV, Hulanda)
8. Liyon Roddenhof (Emmen, Hulanda)
9. Shermayn Rombley (Inter Willemstad)
10. Keyane El Ouansaidi (Feyenoord, Hulanda)
11. Milo Bossers (Willem II, Hulanda)
12. Shuryjano Cornecion (PSV, Hulanda)
13. Rayen Nivilac (Willem II, Hulanda)
14. Miglennjaydion Polonius (Sparta, Hulanda)
15. Sebastian van Woerkom Mejias (Jeka FC, Hulanda)
16. Damiënthly Bernardina (Cambuur, Hulanda)
17. Dayvi Busby (Fc Den Bosch, Hulanda)
18. Thyrone Lucas (NEC, Hulanda)
19. Jerremy Ortela (Inter Miami, Merka)
20. Darwin Lourens (Inter Willemstad)
21. Juninho Floranus (Jong Holland)

 

Tiki tiki pero sigur nos ta yegando na e inisio di e segundo kompetensia internashonal lo tuma lugá aki na Kòrsou, ku nos selekshon U-20 den kontienda pa demostrá un i tur kiko tur nan tin aden.

 

Un yamada ta bai na pueblo di Kòrsou kompletu pa yega Stadion Rignaal ‘Jean’ Francisca riba dianan 24 i 26 di febrüari i 2 ku 4 di mart binidero pa apoyá i animá nos selekshon nashonal kategoria U-20!

 

Tur partido ta grátis!

20 febrüari 2026