Mester respetá desviashonnan di tráfiko riba Santa Rosaweg

Willemstad – Tin trabounan di mantenshon di kaminda tumando lugá riba Santa Rosaweg, i lamentablemente tin outomobilista ku no ta respetá e desviashonnan di tráfiko. Motosiklistanan tambe ta pasa den ‘verboden’ i ta usa pòmp di gasolin Santa Rosa komo ‘sluiproute’.

Minister Cooper i Servisio pa Obra Públiko (OW) ta hasi apelashon serio na tur usuario di e kaya aki pa por fabor respetá bòrchinan di tráfiko, i hasi uso di e desviashonnan manera indiká. Di e forma aki, ta evitá insidente.

OW lo pidi asistensia di departamentu di tráfiko di Kuerpo Polisial pa asisti den e kaso aki.