NOS SELEKSHON NASHONAL U-20 TA KLA PA TOPA GUYANA MAÑAN ANOCHI 8’OR DEN STADION RIGNAAL ‘JEAN’ FRANCISCA!

NOS SELEKSHON NASHONAL U-20 TA KLA PA TOPA GUYANA MAÑAN ANOCHI 8’OR DEN STADION RIGNAAL ‘JEAN’ FRANCISCA!

Mañan, djamars 24 di febrüari 2026, nos selekshon nashonal U-20 lo tin su promé partido di e 2026 CONCACAF Under-20 Qualifiers kontra Guyana. E partido aki lo tuma lugá 8’or di anochi den Stadion Rignaal ‘Jean’ Francisca.

Awe nos selekshon ta tin un seshon di training pa nos hungadónan ta mentalmente i físikamente bon prepará pa saka nos kara mañan. Nos hungadónan residensiá tambe a yega i nos selekshon ta kompletu pa duna un bon presentashon durante nos partido di mañan.

Portanan di stadion ta habri for di 3’or di atardi, pues yega trempan pa evitá tráfiko i stagnashon na porta…entrada ta kompletamente grátis.

Tur kos ta kla pa nos selekshon nashonal U-20 su promé partido di 2026 Under-20 Qualifiers kontra Guyana. Abo so falta pa bin animá i apoyá nos hungadónan durante e partido aki…nos ta topa aki ratu den stadion!

FFK ta deseá nos selekshon tur klase di éksito!

23 febrüari 2026