Tópiko: Petishon konforme artíkulo 64 RvO – pa konvoká reunion públiko tokante situashon struktural na ORV

Presidente di Parlamento
Sr. Fergino Brownbill
Wilheminaplein 4
Presente
Kòrsou, 20 di febrüari 2026

Tópiko: Petishon konforme artíkulo 64 RvO – pa konvoká reunion públiko tokante situashon struktural na ORV

Apresiabel señor Brownbill,
Ku referensia na artíkulo 64 di Reglamento di Òrden di Parlamento di Kòrsou,
frakshonnan di PAR i MAN-PIN ta pidi bo persona pa konvoká un reunion públiko ku
karákter di urgensia tokante e situashon struktural i hurídiko na Opleidingsinstituut
Rechtshandhaving i Veiligheidszorg (ORV).
Riba 19 di febrüari 2026 a tuma lugá un ora di pregunta ku Minister di Hustisia tokante e
tema aki. Durante e ora di pregunta, un kantidat di pregunta esensial i kritiko a wòrdu
hasi relashoná ku:
● instellingsbesluit ORV (base legal ORV),
● rapòrt estado di eseñansa profeshonal sekundario (rekonosementu di ORV su
diplomanan i sertifikadonan),
● posishon hurídiko di personal konforme dekreto nashonal firmá dor di minister i
rijkswet politie,
● posibilidat di periodo di traspaso,
● riesgonan di funshonamentu di ORV.
No obstante, mester konstatá ku durante e ora di pregunta menshoná no ta tur
prekupashon, inkietut i inseguridat a wòrdu kitá. E hecho ku despues di un ora di
pregunta formal ainda no tin klaridat kompleto, ta pone interogatoria serio tokante
gobernashon, kontròl interno i responsabilidat ministerial.
Pa motibu di e gravedatnan reinante den funshonamentu di ORV ku ta ampliamente
kubrí den publisidat, Parlamento mester deliberá riba e asuntu aki den un reunion
públiko pa Pueblo tambe skucha, unda Parlamento ke pa minister duna mas klaridat
tokante e problemanan struktural entorno di ORV i su futuro.
Konsiderando e motibunan ariba deskribí, frakshonnan di PAR i MAN-PIN ta dirigí nan
mes na bo persona solisitando un reunion públiko ku karakter di urgensia i pa konvoká
esaki mas pronto ku ta posibel.
Gradisiendo bo di antemano pa esaki.
Atentamente,
Firmantenan.