KÒRSOU A RISIBÍ DERECHO PA ORGANISÁ E TORNEO DI SENIOR LEAGUE SOFTBALL DI REGION LATINO AMERIKANO 2026

WILLEMSTAD- Curaçao Little League i Curaçao Little League Foundation, ta orguyoso pa anunsiá ku Kòrsou a risibí e derecho pa organisá e Torneo asina yama “2026 Senior League Softball Latin America Region Tournament” ta trata di softball pa mucha muhé di 13 pa 16 aña di edat.

E logro importante aki no ta solamente un gran éksito deportivo, pero tambe un fuerte rekonosementu di e kalidat di nos organisashon, e nivel di nos fasilidatnan, i e konfiansa ku ta wòrdu pone den nos komunidat pa organisá torneonan internashonal ku éksito i riba nivel haltu.

Organisá e torneo aki lo krea tremendo oportunidatnan pa nos hóbennan i lo stimulá nan mas ainda pa hasi deporte. Esaki ta yuda tambe pa krea un desaroyo deporte positivo, i generá visibilidat positivo internashonal pa nos Pais.

Banda di kompetensia, e evento lo fortifiká e kompromiso di nos komunidat i mustra ku nos Pais tin kapasidat i hospitalidat pa organisá eventonan deportivo regional i internashonal.

Mas detaye tokante fecha, paisnan partisipante, i aktividatnan relashoná ku e evento lo wòrdu anunsiá den e dianan benidero.

Willemstad, 24 di febrüari 2026

Urny Floran, District Administrator di Curaçao Little League