Training grátis pa hóben: “Ekspresá Bo Mes – Let’s Talk Youth Talk” djasabra 28 di febrüari na ICUC
Training grátis pa hóben: “Ekspresá Bo Mes – Let’s Talk Youth Talk” djasabra 28 di febrüari na ICUC
Willemstad – Djasabra awor 28 di febrüari, Asosiashon di Guia Curaçao ku sostén finansiero di UNESCO ta organisá un training speshal pa hóben entre 15 te 23 aña bou di título “Ekspresá Bo Mes – Let’s Talk Youth Talk.” E training ta tuma lugá na ICUC na Brionplein di 9:30 di mainta te 4:15 di atardi.
Partisipashon ta kompletamente grátis.
E inisiativa aki ta enfoká riba fortifiká e abilidatnan di komunikashon i ekspreshon di hóben, dunándonan hèrmèntnan práktiko ku por yuda nan no solamente na skol, pero tambe den bida personal i profeshonal.
Durante e dia, partisipantenan lo traha riba tema manera:
- Abilidat pa presentá ku konfiansa
- Hasi bo opinion konta
- Ekspresá bo mes klaru i respetuosamente
- Traha efikasmente den grupo
E organisashon Toastmasters Simadan ta enkargá ku e fasilitashon di e training, garantisando un programa dinámiko, interaktivo i di kalidat haltu.
Segun Asosiashon di Guia Curaçao, e training akí ta un oportunidat importante pa invertí den desaroyo personal di nos hubentut:
“Nos ke duna hóben e hèrmèntnan nesesario pa nan por komuniká ku seguridat, ekspresá nan mes i partisipá aktivamente den komunidat.”
E aktividat ta un kontinuashon di e seshon anterior di Ban Papia Idioma di Hubentut (Let’s Talk Youth Talk) realisá na Sèptèmber último, ku a haña bon reakshon di partisipantenan.
Hóbennan interesá por inskribí via WhatsApp te ku djaweps awor na: +5999 684 7709.
Pa mas informashon:
Ayaris Petronia. Rominette Ilina
Konsehera Lider di proyekto
Asosiashon di Guia Curaçao Lets Talk Youth Talk
Mobil: +599 9 5608716 Mobil: +599 9 671 9615
Sea Prepara
Asosiashon di Guia Curaçao | Kaya Wladimir “Coco” Balentien 41A | Willemstad, Curaçao
+5999 5608716 | girlguidescuracao@gmail.com | www.girlguidescuracao.org
