Cft: “Kontrol di partisipashonnan ta kuminsá ku maneho” / Cft: “Grip op deelnemingen begint met beleid”

Cft: “Kontrol di partisipashonnan ta kuminsá ku maneho”

Willemstad – Durante su bishita di Kolegio mas resien, Kolegio di supervishon finansiero Kòrsou i Sint Maarten (Cft) a enfatisá e importansia di kontrol adekuá di e asina yamá entidatnan gubernamental. Riesgonan finansiero serka e entidatnan aki por tin konsekuensianan inmediato i negativo pa e presupuesto nashonal. Cft ta urgi Kòrsou pa desaroyá un polítika di partisipashon integral. Di e manera aki, Gobièrnu ta haña mas bista riba riesgonan, i mihó kontrol di ingresonan di dividènt. Supervishon adekuá i un aktitut aktivo di akshonista ta fortalesé e posishon finansiero di Pais. 

 

Entidatnan gubernamental ta ehekutá tareanan importante pa sosiedat. Na mes momentu, nan por trese riesgonan finansiero pa Pais ora maneho finansiero no ta adekuá òf si otro tipo di problemanan surgi. P’esei, supervishon adekuá ta esensial. 

 

Cft ta señalá ku den e presupuesto pa 2026, a inkluí solamente XCG 7 mion na dividènt di entidatnan gubernamental, miéntras e entidatnan aki huntu ta generá mas ku XCG 100 mion na ganashi. Esaki ta mustra ku Pais komo akshonista por dirigí mas aktivamente, por ehèmpel hasiendo akuerdonan kla tokante di distribushon di ganashi. Por usa ingresonan di dividènt adishonal pa metanan sosial importante, manera Gobièrnu di Kòrsou ta rekonosé tambe. 

 

Servisio di Impuesto

Un aña pasá, Cft a urgi Pais pa atendé ku e problemanan serka Servisio di Impuesto aktivamente. Entretantu, Kòrsou a implementá algun kambio respekto di personal, sinembargo, no a hasi sufisiente progreso pa loke ta trata mehorashonnan struktural.  

 

E kantidat di aanslagnan pendiente ta bolbe krese. Despues di e akshon di limpiesa na kuminsamentu di 2023, e saldo di debenan di impuesto i prima a baha di XCG 5,6 bion pa XCG 2,6 bion. Entretantu, e saldo aki a bolbe oumentá te aproksimadamente XCG 3,2 bion, loke ta nifiká ku e saldo pendiente ta mas haltu ku e ingresonan di impuesto i prima anual.  

 

Cft ta enfatisá ku mester atendé ku e reforma di manera aktivo. Ku implementashon mas efektivo i legal, Kòrsou por oumentá e ingresonan di impuesto strukturalmente. Ademas, un sistema hustu den kua tur hende ta aportá, ta krea espasio pa redusí e karga di impuesto pa e komunidat di Kòrsou.

 

Surplus di presupuesto 

Cft ta konstatá ku satisfakshon ku e kalidat di e presupuesto a mehorá. Entre otro danki na e sirkumstansianan ekonómiko aktual faborabel, Kòrsou ta kalkulá surplus presupuestario pa e próksimo añanan. Ta di sumo importansia pa en realidat logra realisá e surplusnan aki, pa asina fortalesé e presupuesto su resiliensia. Na mésun momentu e sirkumstansianan aktual ta forma un bon okashon pa ehekutá e reformanan nesesario asina fortifiká e kapasidat struktural pa kresementu ekonómiko.

 

---

 

Cft: “Grip op deelnemingen begint met beleid”

Willemstad – Het College financieel toezicht Curaçao en Sint Maarten (Cft) benadrukt in zijn meest recente collegereis het belang van een goede beheersing van zogeheten overheidsentiteiten. Financiële risico’s bij deze entiteiten kunnen directe en negatieve gevolgen hebben voor de landsbegroting. Het Cft roept Curaçao op om integraal deelnemingenbeleid te ontwikkelen. Zo krijgt de overheid beter zicht op risico’s én meer grip op dividendinkomsten. Goed toezicht en actief aandeelhouderschap versterken zo de financiële positie van het Land. 

 

Overheidsentiteiten voeren belangrijke maatschappelijke taken uit. Tegelijk kunnen zij financiële risico’s vormen voor het land als het financieel beheer onvoldoende is of er anderszins problemen ontstaan. Goed toezicht is daarom essentieel. 

 

Het Cft wijst erop dat in de begroting voor 2026 slechts XCG 7 miljoen aan dividend van overheidsentiteiten is opgenomen, terwijl deze entiteiten gezamenlijk meer dan XCG 100 miljoen winst maken. Dit laat zien dat het land als aandeelhouder actiever kan sturen, bijvoorbeeld door duidelijke afspraken te maken over winstuitkering. Extra dividendinkomsten kunnen worden ingezet voor belangrijke maatschappelijke doelen, zo erkent ook de regering van Curaçao. 

 

Belastingdienst

Een jaar geleden drong het Cft er bij het land op aan om de problemen bij de Belastingdienst voortvarend aan te pakken. Curaçao heeft sindsdien enkele personele wijzigingen doorgevoerd, maar met structurele verbeteringen is nog onvoldoende voortgang geboekt.  

 

Het invorderingsbestand loopt opnieuw op. Na de opschoningsactie begin 2023 daalde het saldo van openstaande belasting- en premieschulden van XCG 5,6 miljard naar XCG 2,6 miljard. Inmiddels is dit saldo weer gestegen tot ongeveer XCG 3,2 miljard. Daarmee overstijgt het openstaande saldo de jaarlijkse belasting- en premieopbrengsten.  

 

Het Cft benadrukt dat hervorming voortvarend moet worden aangepakt. Met een effectievere en rechtmatige uitvoering kan Curaçao de belastingopbrengsten structureel verhogen. Een eerlijk belastingsysteem waarin iedereen bijdraagt, biedt bovendien ruimte om de belastingdruk voor de bevolking van Curaçao te verlagen.

 

Begrotingsoverschot

Het Cft stelt met genoegen vast dat de kwaliteit van de begroting is verbeterd. Mede dankzij de huidige gunstige economische omstandigheden raamt Curaçao meerjarige begrotingsoverschotten. Het is van groot belang dat deze overschotten daadwerkelijk worden gerealiseerd, zodat de weerbaarheid van de begroting wordt versterkt. Tegelijkertijd vormen de huidige omstandigheden een goed moment om noodzakelijke hervormingen door te voeren en daarmee het structurele groeivermogen van de economie te versterken.