Pèrmit di konstrukashon pa ekspashon di Hotel ‘t Klooster

Willemstad – Minister Charles Cooper, huntu ku Servisio pa Planifikashon Urbano (ROP), a otorgá ofisialmente un pèrmit di konstrukshon pa ekspanshon di Boutique Hotel ’t Klooster, situá na Abraham de Veerstraat 12 den Pietermaai.

E ekspanshon ta inkluí un oumento di kapasidat di e hotèl for di 24 pa 25 kamber i 12 apartamènt. E kambernan i apartamèntnan nobo lo wòrdu repartí riba 3 piso. Den e diseño i planifikashon di e proyekto a tene na kuenta diferente aspektonan di konstrukshon, desague di awa i sufisiente espasio pa por risibí bishitantenan.

E konstrukshon ta representá un invershon di mas o ménos 15 mion florin karibensa i ta sperá ku lo wòrdu kompletá den su totalidat na 2028.

E proyekto aki ta kontribuí di manera importante na ekonomia lokal, entre otro pa medio di kreashon di empleo durante e diferente fasenan di konstrukshon.