𝐏𝐫𝐨𝐦é 𝐫𝐞𝐮𝐧𝐢𝐨𝐧 𝐝𝐢 ‘𝐑𝐢𝐣𝐤𝐬𝐦𝐢𝐧𝐢𝐬𝐭𝐞𝐫𝐫𝐚𝐚𝐝’ (𝐑𝐌𝐑) 𝐩𝐚 𝐌𝐢𝐧𝐢𝐬𝐭𝐞𝐫 𝐏𝐥𝐞𝐧𝐢𝐩𝐨𝐭𝐞𝐧𝐬𝐢𝐚𝐫𝐢𝐨 𝐁𝐢𝐬𝐡𝐨𝐩

Den Haag, 6 di mart 2026, Awe a tuma lugá e promé reunion di ‘Rijksministerraad’ pa Minister Plenipotensiario di Kòrsou, sr. Errold Bishop.

Durante e enkuentro aki, sr. Bishop a partisipá huntu ku Minister Plenipotensiario di Aruba, sra. Mildred Schwengle, i Minister Plenipotensiario di Sint Maarten, sra. Gracita R. Arrindell.

Den ‘Rijksministerraad’, ministernan di Hulanda i e Ministernan Plenipotensiario di Aruba, Kòrsou i Sint Maarten ta deliberá riba asuntunan ku ta konserní tur paisnan di Reino, manera relashonnan internashonal, seguridat i otro temanan di interes komun.

Nos ke tuma tambe un momentu pa felisitá Minister Plenipontensiario di St. Maarten, sra. Gracita R. Arrindell ku ta selebrá su aña awe. Nos ta deseá sra. Arrindell hopi salú i éksito den su funshon importante na benefisio di Sint Maarten i di Reino Hulandes.