KUERPO POLISIAL KORSOU

KOMUNIKADO DI PRENSA                                            

070/2026

8 mart 2026 

Turista ta fayese den awa na Playa Kalki

 

Djasabra 7 di mart 2026, alrededor di 11.05’or, Sentral di Polis a risibi informashon di un kaso na Playa Kalki, kaminda ku un homber turista ku tabata landando, dado momentu no tabata reakshona.

Mesora a dirigi unidat di Barberi tambe di Politur na e sitio, mientras a saka un ambulans ku urgensia pa duna asistensia.

Na yegada di polis i Politur nan a kompronde ku e homber di nashonalidat Merikano a bai landa na e playa i despues personanan den serkania a tuma nota ku e homber no tabata reakshona den awa.

Mesora nan a sak’e for di awa i tres’e na kantu.

Personal di ambulans ku entre tantu a yega, a konstata ku ya e homber no tabata duna senal di bida.

Dokter di polis mas despues a konstata morto natural.