𝐌𝐈𝐍𝐈𝐒𝐓𝐄𝐑 𝐌𝐈𝐃𝐃𝐄𝐋𝐇𝐎𝐅 𝐈 𝐅𝐔𝐍𝐃𝐀𝐒𝐇𝐎𝐍 𝐌𝐀𝐑𝐒𝐇𝐄 𝐓𝐀 𝐃𝐔𝐍𝐀 𝐀𝐏𝐎𝐘𝐎 𝐍𝐀 𝐊𝐎𝐌𝐄𝐑𝐒𝐈𝐀𝐍𝐓𝐄𝐍𝐀𝐍 𝐀𝐅𝐄𝐊𝐓𝐀́ 𝐃𝐎𝐑 𝐃𝐈 𝐊𝐀𝐍𝐃𝐄𝐋𝐀 𝐍𝐀 𝐏𝐋𝐀𝐒𝐀 𝐖𝐈𝐋𝐒𝐎𝐍 “𝐏𝐀𝐏𝐀” 𝐆𝐎𝐃𝐄𝐓𝐓

Minister di Desaroyo Ekonómiko, Dr. Roderick Middelhof, huntu ku Fundashon Marshe, a entregá apoyo finansiero na komersiantenan ku a sufri daño i pèrdida di merkansia debí na e kandela ku a tuma lugá na Plasa Wilson “Papa” Godett.

Su presensia a wòrdu masha apresiá pa e komersiantenan. Minister Middelhof a pasa tira un bista riba diferente remodelashon ku ta tumando lugá na Plasa Bieu, komo parti di su bishita na e área aki durante su rekorido, el a tuma tempu pa papia ku algun di e bendedónan.

Minister Middelhof a eksperensia di aserka kon e trabounan ta avansando i kiko e kambionan lo nifiká pa komunidat. Na mes momentu, el a duna su mes un deskanso pa difrutá di un bon plato di kabritu stobá, sintiendo e sabor outéntiko ku ta karakterístika di e kushina lokal. Su presensia no solamente a mustra interes den e desaroyo di e lugá, pero tambe apresiashon pa kultura i tradishon di nos pueblo.