AWA TA BIDA. KADA GOTA TA KONTA!

 

AWA TA BIDA. KADA GOTA TA KONTA!

WILLEMSTAD — Na okashon di Dia Mundial di Awa, nos ta wòrdu rekordá ku awa ta un di nos rekursonan mas presioso i esensial. Sin awa, no tin bida. E ta sostené tur forma di bida, yuda nos ku nos salú, garantisá produkshon di kuminda, impulsá nos ekonomía i protehá nos medio ambiente.

Den mundu di awe, kaminda preshon riba nos rekursonan di awa ta krese pa motibu di kambio klimátiko, kresementu di poblashon i polushon, e ta mas importante ku nunka pa nos tuma responsabilidat. Awa limpi i sigur no ta un luho, sino un nesesidat básiko pa tur hende.

Aworaki, nos ta hasi un yamada na kada hende pa balorá i protehá nos awa. Akshonkonan simpel manera sera kranchi ora no ta us’é, konservá awa, prevení polushon, re-utilisá kaminda ta posibel i ser konsiente den nos komunidat, tur ta kontribuí na un mihó futuro.

Gobièrnu, empresa privá i organisashonnan sosial tin un papel importante den maneho sostenibel di awa. Pero kambio real ta kuminsá serka kada persona. Tur gota ku nos spar, tur paso ku nos tuma, ta konta.

Pa Ministerio di GMN, laga nos traha huntu pa sigurá ku nos tin awa limpi i sigur, no pa awe so, pero tambe pa nos yu i nietunan. Protehá awa ta protehá bida. Awa ta bida. Kada drùpel ta konta.