É Kantadó Mayó den kunuku di Shon Mi un eksito total.

Djamars último tabata e promé anochi di e festival di seu kual ta é kantadó mayó.
Un festival ku a bini ta krese mas i mas atraves di aña nan i ku e aña aki a konta ku un inskripshon rèkort di 61 komposishon pa partisipá.
Mester bisa ku lamentablemente tin dos partisipante ku a kai afo despues di inskripshon, pero esaki no a kita e sous di e dushi ambiente kultural.
Riba e promé anochi ya for di trempan hende nan a akudí na kunuku di Shon Mi aya na ser’i dòmi pa asina presensia e festival aki. Ku a konta ku un total di 5 gruponan rítmiko ku a sa di trese komposishon nan na un nivel hopi haltu i por bisa ku tabatin seú nan ku a zona ku a konta ku apoyo di henter e públiko presente.
Un sitio nobo kaminda un tereno a ser transformá den un kunuku.
Riba e di dos anochi un públiko basta grandi a presentá pa asina gosa di e loke agrupashon nan kultural a presentá.
Riba e anochi aki tambe tur hende presente por a haña un lensu mará.
Un komportashon tremendo di e públiko promé, durante i despues di e aktividat.
Tur kos a kana super trankil i esey Fundashon Jag ta felisitá pueblo di Kòrsou pé.
Djasabra último tabata e anochi final kaminda nos Kantadó Mayó 2026 a bira konosí. Un anochi ku a kana zetá kumisando eksaktamente 8 or segun planifikashon i ku a konta ku un resentashon di 30 komposishon. Un kunuku di Shon mi repleto di hende ku a bini pa presensia e festival ariba menshoná. Hurado tabatin un trabou duru ya ku kada un presentashon tabata na un nivel haltisímo.
Finalmente den ora nan di marduga Kòrsou a sera konosí ku nos Kantadó Mayó 2026 kende ta Sherel “Adjatay” Denisia ku ta marka historia den seú komo e promé kantadó mayó ku ta gana e titulo aki tres biaha konsekutivo.
Un pabien na nos kantadó mayó i tur e finalista nan. Na fundashon Jag pabien ku un tremendo festival i na pueblo di Kórsou pabien ku boso tremendo komportashon.