Kontròl di tráfiko riba vehíkulonan di karga pisá 

KUERPO POLISIAL KÒRSOU 

 

KOMUNIKADO DI PRENSA

092/2026

23 mart 2026 

Kontròl di tráfiko riba vehíkulonan di karga pisá 

Djaluna 23 di mart 2026 entre 08.00’or i 12.30’or, personal di warda di polis  Rio Canario konhuntamente ku VVRP a tene kontròl general di tráfiko i kontròl  dirigí riba vehíkulonan pisá ku ta transportá santu, greis, piedra i sushi gròf. E kontròl aki a tuma lugá riba Winston Churchillweg i Weg Naar Wespunt. A kontrolá 55 vehíkulo i a repartí 32 prosès verbal pa kore sin tapol i 56 prosès  verbal pa e siguiente violashonnan di e lei di tráfiko. 

Manehá un vehíkulo sin: 

➢ Karchi di kùr bálido; 

➢ Reibeweis bálido; 

➢ Seguro bálido; 

➢ Plachi di number dilanti i patras. 

Sinku vehíkulo pisá a keda transportá pa kurá di OW bou di guia di polis. E kontròlnan aki ta kontinuá.