DELEGASHON OFISIAL DI PAHO/WHO KU BISHITA NA KORSOU
DELEGASHON OFISIAL DI PAHO/WHO KU BISHITA NA KORSOU
WILLEMSTAD – Resientemente, dia 11 pa 13 di mart último, tabata na Kòrsou un delegashon di PAHO/ WHO. Tabata trata aki di dr. Gabriel Vivas Francesconi i tambe dr. Michelle Harris. Meta di nan bishita na Kòrsou tabata, pa sera konosí i interkambiá ku outoridatnan máksimo den mundu di salubridat di Gobièrnu, pero tambe pa inventarisá kon PAHO/ WHO lo por yuda Kòrsou kaminda esei ta nesesario.
Riba programanan tabata tin lo siguiente:
- Bishita ofishal na Gobernador mr. Mauritsz de Kort i na Minister di Salubridat, Medio Ambiente i Naturalesa señor Tyron Boekhoudt.
- Deliberashon tékniko ku Ministerio di Salubridat Medio Ambiente i Naturalesa tokante planifikashon di trabou pa 2026 i 2027
- Tene reunion di trabou ku diferente “stakeholders” manera Konseho pa Grandinan, CMC, Klínika Capriles i otronan.
Personanan presente durante e diferente reunionnan tabata:.
Pa PAHO: dr. Gabriel Vivas Francesconi, PAHO/ WHO Representative;
Dr. Michelle Harris eksperto den “Non Communicable Diseases & Mental Health”;
Pa GMN: drs. Sharlon Melfor, Sekretario General, drs. Jeanine Constansia-Kook, Direktor di Maneho i nan respektivo koleganan;
Pa Capriles Kliniek: Dr. G. Rendon (direktor médiko) Drs. G. Cijntje-Maduro (direktor general) i nan ekipo;
Pa CMC: dr. De Graaff CEO i su equipo;
Pa Konseho pa Grandinan: dr. de Lanoy i dr. Römer.
