DRR a organisá un eksitoso ‘table-top oefening’ huntu ku Aqualectra i miembronan di CRBo / DRR organiseert succesvolle table-top oefening met Aqualectra en CRBo

WILLEMSTAD – Riba djabièrnè 20 di mart 2026, Direktorado di Kontrol di Riesgo i Maneho pa Kalamidat (Directie Risicobeheersing & Rampenbeleid – DRR) a organisá un eksitoso ‘table-top oefening’ huntu ku Aqualectra i miembronan di e Crisisbeheersings & Rampenbestrijdingsorganisatie (CRBo).

E tipo di entrenamentu akí ta parti di e responsabilidat di DRR pa fortifiká e preparashon di ekspertonan den kuadro di maneho di krísis.

E ‘table- top oefening’ a tuma lugá na COC3 na Rio Canario. Den e simulashon a traha riba un senario tokante awa kontaminá, kaminda e situashon a bira ora pa ora mas grave segun ku e mainta tabata avansando.

Durante di e ehersisio a pone énfasis riba prosesonan interno di Aqualectra, e proseduranan di CRBo i e momentunan klave den kua un situashon por eskalá pa bira un krísis. Eksperto di Maneho di Riesgo i Krísis di CAP, komo liason di CRBo, tambe a tuma parti pa duna mas profundidat na e simulashon. Hasiendo esaki, DRR a hasi uso di un modelo nobo pa ‘table-top oefeningen’ i a tèst algun teknologia ku ta disponibel den e sentro di krísis.

E mainta a resultá hopi interesante, balioso i edukativo pa tur partisipante. Komunikashon di riesgo i krísis tambe tabata parti di e seshon, durante kua e timnan di Komunikashon di Aqualectra i Gobièrnu a interkambiá konosementu i eksperensia.

Intenshon ta pa organisá un di dos enkuentro, kaminda COC3 lo sigui sirbi komo e lugá sentral pa entrenamentu i preparashon durante henter aña.

---

WILLEMSTAD – Op vrijdag 20 maart 2026 heeft de Directie Risicobeheersing & Rampenbeleid (DRR) samen met Aqualectra en leden van de Crisis Response Board (CRBo) een succesvolle table-top oefening georganiseerd.

Deze trainingen maken onderdeel uit van de taken van DRR om experts binnen het crisisdomein optimaal voor te bereiden op mogelijke crisissituaties.

De oefening vond plaats in het crisiscentrum COC3 te Rio Canario. Tijdens de simulatie werd gewerkt met een scenario waarbij sprake was van waterverontreiniging, waarbij de ernst en complexiteit van de situatie gedurende de ochtend toenam.

De oefening richtte zich op de interne processen binnen Aqualectra, de werkwijze van de CRBo en de kritieke momenten waarop een situatie kan escaleren tot een crisis. Ook experts op het gebied van risico- en crisismanagement van CAP, in hun rol als liaison van de CRBo, waren aanwezig om extra diepgang te geven aan de oefening. Daarbij heeft DRR gebruikgemaakt van een nieuw model voor table-top oefeningen en enkele technologieën binnen het crisiscentrum getest.

De oefening werd als waardevol en leerzaam ervaren door alle deelnemers. Ook risicocommunicatie en crisiscommunicatie maakten onderdeel uit van de sessie, waarbij de communicatieteams van Aqualectra en de overheid kennis en ervaringen hebben uitgewisseld.

Er wordt gekeken naar een vervolg op deze oefening, waarbij COC3 gedurende het jaar zal blijven dienen als centrale locatie voor training en voorbereiding.