𝐌𝐢𝐧𝐢𝐬𝐭𝐞𝐫 𝐂𝐢𝐜𝐢𝐥𝐢𝐚: 𝐀𝐫𝐮𝐛𝐚 𝐭𝐚 𝐚𝐯𝐚𝐧𝐬𝐚 𝐩𝐚 𝐮𝐧 𝐦𝐞𝐫𝐜𝐚𝐝𝐨 𝐥𝐚𝐛𝐨𝐫𝐚𝐥 𝐢𝐦𝐩𝐮𝐥𝐬𝐚 𝐩𝐚 𝐝𝐚𝐭𝐚

Minister di Turismo, Transporte y Labor mr. Wendrick Cicilia ta anuncia un paso significativo den direccion di modernisacion e mercado laboral di Aruba, enfatisando e importancia di data pa formula maneho cu ta atende tanto e necesidadnan actual como tambe esunnan di futuro.

𝐈𝐧𝐧𝐨𝐯𝐚𝐜𝐢𝐨𝐧 𝐬𝐢𝐠𝐧𝐢𝐟𝐢𝐜𝐚𝐭𝐢𝐯𝐨

Den e cuadro aki, Minister Wendrick Cicilia a reuni cu expertonan di Economische Bureau Amsterdam pa coordina e desaroyo di un modelo cu lo pronostica e necesidadnan di mercado laboral na Aruba. E iniciativa aki ta representa un innovacion significativo den maneho laboral, posicionando Aruba entre e poco teritorionan denter di Reino Hulandes cu tin un herment asina.

𝐂𝐨𝐦𝐩𝐫𝐨𝐦𝐞𝐭𝐢 𝐜𝐮 𝐦𝐚𝐧𝐞𝐡𝐨 𝐞𝐟𝐢𝐜𝐢𝐞𝐧𝐭𝐞

“Pa construi un mercado laboral fuerte, nos mester depende riba datonan concreto. E modelo aki lo permiti nos tuma decisionnan miho informa y prepara miho pa futuro”, asina Minister Wendrick Cicilia a duna di conoce.