KUERPO POLISIAL KÒRSOU 

KOMUNIKADO DI PRENSA

099/2026

26 mart 2026 

Aksidente di tráfiko ku herido grave 

Djaweps 26 di mart 2026 alrededor di 14.36’or, Sentral di Polis a risibí notifikaskon ku tin un aksidente di tráfiko ku a kaba di tuma lugá riba  Sta. Rosaweg den área di Landhuis Bloemhof i ku tin un persona gravemente  heridá. 

Mesora a dirigí un unidat na e sitio. Na yegada di e unidat, el a topa ku un hòmber shofùr, ku tabata gravemente herida. 

For di investigashon preliminar a sali na kla, ku shofùr di e vehíkulo ku tabata  kore riba Sta. Rosaweg den direkshon di Schottegatweg-Oost, pa un motibu òf  otro a pèrdè kontròl riba su stür i a bai dal kontrá di un palu di mata. 

Na momentu ku e vehíkulo a aksidentá esaki a pega kandela. 

E shofùr a sufri kemaduránan na parti di su kurpa i a frakturá un pia. 

Ambulans a transportá e víktima ku urgensia pa Sala di Emergensia di C.M.C.  pa tratamentu médiko. 

Personal di Departamentu di Tráfiko ta enkargá ku e investigashon.