Delaster chèns pa kobradó di ònderstant risibí karchi nobo
Desaroyo Sosial, Labor i Bienestar
Delaster chèns pa kobradó di ònderstant risibí karchi nobo
Publiká riba 27 Mart 2026
Willemstad – Debí na e kambio di banko di Gobièrnu, Ministerio di Desaroyo Sosial, Labor i Bienestar (SOAW) a distribuí un karchi nobo na kobradónan di ònderstant di 11 pa 20 mart. E proseso tabata un éksito, danki na tur persona enbolbí, tantu e trahadónan di Banko di Caribe i tur esnan ku a yuda kompartí e skema di distribushon. Nos a logra ku 82% di e klientenan a risibí nan karchi di Banco di Caribe na Sambil siman pasá ku lo por sigui kobra e sèn di ònderstant entrante 2 di aprel 2026 via Banco di Caribe.
SOAW ke duna un delaster oportunidat na kada persona ku no a logra buska nan karchi nobo di Banco di Caribe ainda. E klientenan aki mester akudí na Kas di Bario Brievengat i Kas di Bario Sta. Maria riba e siguiente fecha i orarionan.
Fecha: Djaluna 30 di mart 2026
Orario: 1’or pa 5’or
Lokalidat: Kas di Bario Brievengat
Distribushon: pa área di Punda, Banda Ariba i Brievengat.
Djamars: 31 di mart 2026
Orario: 1’or pa 5’or
Lokalidat: Kas di Bario Sta. Maria
Distribushon: pa Santa Maria, Otrobanda i Banda Bou.
Tuma nota: ku esaki ta e delaster posibilidat pa risibí e karchi di Banco di Caribe, pa por sigui kobra entrante 2 di aprel 2026.
Dokumentonan nesesario pa risibí e karchi:
- Identifikashon bálido: Sédula, reibeweis òf pasport bálido. Sin dokumentu bálido no por risibí e karchi.
- Den kaso ku e kobradó di ònderstant ta kasá: mester trese e trouwboek.
- Den kaso di un persona outorisá (gemachtigde): mester trese e karta di outorisashon (machtigingsbrief SOAW), identifikashon bálido di e persona ku ta outorisá (gemachtigd) i identifikashon bálido di e kobradó di ònderstant.
Si dado kaso no por logra bini, e kliente mester tuma kontakto ku kas di bario:
- Kas di Bario Punda/ Banda Ariba
Tel.: (+5999) 724-5251
Whatsapp: (+5999) 562-7629 - Kas di Bario Brievengat:
Tel.: (+5999) 724-5252
Whatsapp: (+5999) 563-7629 - Kas di Bario Otrobanda/ Banda Abou
Tel.: (+5999) 724-5253
Whatsapp: (+5999) 564-7629 - Kas di Bario Sta. Maria
Tel.: (+5999) 724-5254
Whatsapp: (+5999) 565-7629
