𝐔𝐧 𝐛𝐚𝐫𝐤𝐮 𝐧𝐨𝐛𝐨 𝐭𝐚 𝐛𝐢𝐬𝐡𝐢𝐭𝐚 𝐧𝐨𝐬 𝐢𝐬𝐥𝐚!

Kòrsou a yama bon biní na MS Borealis durante su promé bishita (“maiden call”) na nos Mega Pier awe riba 30 di mart 2026.

Operá pa Fred. Olsen Cruise Lines, e barku ta na fin di un biahe di 76 dia bou di título “Exploration of South America and the Antarctic”, nabegando den e region di Karibe komo parti di e ruta. 

Un seremonia di interkambio di plaka a tuma lugá riba barku, ku presensia di Gobierno di Kòrsou, representá pa Minister di Tráfiko, Transporte i Planifikashon Urbano, Sr. Charles Cooper, i Minister di Desaroyo Ekonómiko, Sr. Roderick Middelhof, hunto ku Curaçao Ports Authority, Curaçao Tourist Board, Maduro Shipping komo agente lokal, i Kapitán di e barku, pa komemorá e promé bishita aki.