MENSAHE PA TUR FOODHANDLER I DOÑONAN DI TRABOU RELASHONÁ KU KARCHI DI THZ

MENSAHE PA TUR FOODHANDLER I DOÑONAN DI TRABOU RELASHONÁ KU KARCHI DI THZ

Geplaatst op 24 March 2020 dor di Ministerio Salubridat Públiko, Medio Ambiente i Naturalesa

Willemstad – Debí na e situashon ku Kòrsou ta pasando aden relashoná ku Covid 19, ta posponé tur eksamen pa Foodhandler te ku otro fecha. Esaki ta nifika, ku na momentu ku un karchi di un Foodhandler kaduká, e por sigui usa esaki trankilamente, te na momentu ku e situashon aktual terminá i ku THZ informá ku mester pasa hasi e eksamen nobo.

Pues un apelashon ta bai na tur doño di trabou pa tene kuenta ku e situashon ku a presentá  i permiti e trahadó foodhandler,   pa sigui traha pasombra su karchi a kaduká. Lo no entregá NINGUN karchi di kur nobo te ku otro aviso.

This site uses Akismet to reduce spam. Learn how your comment data is processed.

error: Content is protected !!
%d bloggers like this: