Magno Evento riba Brionplein pa selebrá Pasku di Resurekshon Manifestá 2026

Magno Evento riba Brionplein pa selebrá Pasku di Resurekshon

Manifestá 2026

Willemstad, Kòrsou – Djadumingu dia 5 di aprel 2026, Kòrsou kompleto ta keda invitá pa presensiá un evento grandi riba Brionplein pa selebrá Pasku di Resurekshon. Manifestá ta un selebrashon spesial pa henter famia i ta kuminsá for di 6’or di atardi.

E anochi lo ta un eksperiensia úniko kaminda Brionplein lo keda transformá den un amfiteater, kaminda un drama impreshonante ku mas di 70 aktor, lo trese e historia di resurekshon di Hesus di un forma bibu i impaktante. E drama aki lo hiba bo bèk den tempu kaminda lo bo sinti bo parti di e suseso mas importante di humanidat: e morto i resurekshon di nos Señor Hesu-Kristu.

Ademas, lo tin presentashonnan alegre di nos muchanan di HOW Kids i Muchanan Balente College. Direktamente for di Hulanda, Willy Rodriguez lo tei presente pa guia e públiko den alabansa i adorashon huntu ku Proskuneo.

E evento lo konkluí ku un mensahe poderoso di Pastornan Raimy i Arlette Juliet, ku lo kompartí e palabra di Dios ku ta duna speransa i fe. Iglesia House of Worship ta invitá tur famia pa bini huntu i selebrá e berdadero motibu di Pasku den un ambiente di fe, union i alegria.

Bin i eksperensiá algu úniko riba Brionplein dia 5 di aprel próksimo. Pueblo di Kòrsou kompleto ta keda invitá!