Detenshon relashoná ku maltrato i menasaku morto
KUERPO POLISIAL KÒRSOU
KOMUNIKADO DI PRENSA
105/2026
31 mart 2026
Detenshon relashoná ku maltrato i menasaku morto
Kontinuando ku investigashon den un kaso di maltrato i menasa ku morto ku a tuma lugá den luna di yanüari 2026 den Kaya Eduardo Peterson, polis a hasi dos detenshon.
Djamars 31 di mart 2026 alrededor di 05.00’or, riba òrdu di fiskal di Ministerio Públiko, reshèrshinan di Barber a detené e hòmbernan J.G.R. di 31 aña di edat i R.J.P.D. di 23 aña di edat, ámbos nasé na Kòrsou, pa e kaso ariba menshoná. Detenshon di e hòmbernan aki a tuma lugá na dos diferente adrès den Groot Sta. Martha.
A presentá e sospechosonan dilanti di un fiskal ouksiliar ku a ordená nan enkarselamentu pendiente di mas investigashon.

