𝐏𝐫𝐨𝐦𝐞́ 𝐌𝐢𝐧𝐢𝐬𝐭𝐞𝐫 𝐏𝐢𝐬𝐚𝐬 𝐡𝐮𝐧𝐭𝐮 𝐤𝐮 𝐬𝐮 𝐠𝐚𝐛𝐢𝐧𝐞𝐭𝐞 𝐧𝐚 𝐏𝐚𝐫𝐥𝐚𝐦𝐞𝐧𝐭𝐨 𝐩𝐚 𝐏𝐫𝐨𝐠𝐫𝐚𝐦𝐚 𝐝𝐢 𝐆𝐨𝐛𝐞𝐫𝐧𝐚𝐬𝐡𝐨𝐧 𝟐𝟎𝟐𝟓–𝟐𝟎𝟐𝟗

Awe, Promé Minister Gilmar Pisas, huntu ku su koleganan minister, ta presente na Parlamento pa trata e Programa di Gobernashon 2025–2029: “Beleidskeuzes voor een veerkrachtig, stabiel en volwaardig Curaçao”.

E programa aki ta trahá riba un base sólido pa futuro di nos pais, ku enfoke riba stabilidat finansiero, desaroyo sosial i fortalesementu di nos institushonnan. E ta reflehá un vishon kla pa sigui traha na bienestar di tur siudadano na Kòrsou.

Gobiernu ta enfatisá e importansia di diálogo i kolaborashon ku Parlamento i tur sektor di komunidat, pa asina logra un desaroyo balansá i duradero.

Huntu, nos ta sigui konstrui un Kòrsou fuerte, resiliente i prepará pa e retonan di mañan.