Entrada hudisial ku detenshon pa violashon di lei di arma di kandela i opio 

KUERPO POLISIAL KÒRSOU 

KOMUNIKADO DI PRENSA

126/2026

15 aprel 2026 

Entrada hudisial ku detenshon pa violashon di lei di arma di kandela i opio 

Djárason 15 di aprel 2026 alrededor di 05.45’or, e personal di Divishon Krímen Organisá a  tene dos entrada hudisial. Unu na Seru Grandi i e otro na Seru Machu. 

E entradanan hudisial aki ta den kuadro di investigashon relashoná ku poseshon di arma di  kandela i kultivo di planchi di mariwana. 

Durante di e entradanan hudisial a konfiská un kantidat grandi di planchi di mariwana i  atributonan pa kultivá e planchinan. 

Enkonekshon ku violashon di e lei di arma di kandela i esun di opio, Polis a detené e hòmber E.A.T. di 28 aña di edat i e muhé J.C.L. di 35 aña di edat, ámbos nasé na Kòrsou. 

A presentá e sospechosonan dilanti di un fiskal ouksiliar ku a ordená nan enkarselamentu  pendiente di mas investigashon.