Petishon pa búskeda di e hóben Genesis Fanesy Anthony Beltre

KUERPO POLISIAL KÒRSOU 

KOMUNIKADO DI PRENSA

125/2026

15 aprel 2026 

Petishon pa búskeda di e hóben Genesis Fanesy Anthony Beltre 

Polis ta pidi búskeda di e hóben Genesis Fanesy Anthony Beltre, nasé na Kòrsou di 13 aña  di edat. Djaweps 2 di aprel 2026, e hóben aki a sali for di kas di su wela i no a regresá. 

Genesis tin e siguiente deskripshon: 

  

Kabei: Maron skur; 

Kara: oval; 

Koló di wowo: maron skur; 

Koló di kueru: maron; 

Alabes ke rekordá ku tene un persona ku ta wòrdu buská pa Hustisia skondí, ta un akto  kastigabel pa lei. 

Polis ta supliká tur persona ku por duna kualke informashon tokante di e hóben aki pa tuma  kontakto ku polis na number di telefòn 917 òf e number anónimo 108.