Minister Charles Cooper 𝐏𝐚𝐫𝐭𝐢𝐬𝐢𝐩𝐚𝐬𝐡𝐨𝐧 𝐝𝐢 𝐊𝐨̀𝐫𝐬𝐨𝐮 𝐧𝐚 𝐊𝐨𝐧𝐟𝐞𝐫𝐞𝐧𝐬𝐢𝐚 𝐈𝐧𝐭𝐞𝐫𝐧𝐚𝐬𝐡𝐨𝐧𝐚𝐥 𝐝𝐢 𝐇𝐚𝐥𝐭𝐮 𝐍𝐢𝐯𝐞𝐥

Riba 13 di aprel 2026, Minister di Finansa di Kòrsou sr Charles Cooper a asistí na e konferensia di haltu nivel titulá “A Historic Partnership Shaping the Future”, organisá pa U.S. Chamber of Commerce na Washington DC.

E evento a reuní diferente stakeholder internashonal importante for di gobièrnu i sektor privá, resaltando e importansia di relashon ekonomiko fuerte i kooperashon finansiero global. Partisipashon di Kòrsou na un evento di e nivel aki ta habri porta pa oportunidatnan nobo den invershon, fortalesementu di relashon estratéghiko di nos isla komo un partner riba tereno internashonal.

Un momento importante di e konferensia tabata e presensia i diskurso di Su Majesté e Rei di Hulanda, kende a pone enfásis riba e balor di relashon di larga durashon, resilensia ekonomiko i kolaborashon ku bista riba futuro den un ekonomia global kada bes mas konektá.

Durante e evento, Minister Cooper a haña oportunidat pa papia direktamente ku Rei di Hulanda, Rei Willem Alexander.