KUERPO POLISIAL KÒRSOU 

KOMUNIKADO DI PRENSA

134/2026

21 aprel 2026 

Kontròl di tráfiko 

Djamars 21 di aprel 2026, entre 08.00’or i 12.00’or, personal di warda di polis di Rio  Canario konhuntamente ku personal di VVRP a tene kontròl di tráfiko dirigí riba  trùknan di karga ku no ta tapá. 

E kontròlnan aki a tuma lugá riba Winston Churchillweg i Weg naar Westpunt. A kontrolá 42 vehíkulo di karga i a repartí 19 prosès verbal pa kore sin tapol pa tapa  e baki di trùk. 

I tambe a kontrolá 79 vehíkulo i a repartí 47 prosès verbal pa e siguiente  violashonnan di lei di tráfiko: 

 Manehá un vehíkulo sin: 

➢ Reibeweis (bálido); 

➢ Seguro (bálido); 

➢ Karchi di kùr; 

➢ Plachi di number dilanti i patras; 

➢ Glas skur di plak. 

Manehá un vehíkulo ku: 

➢ Tayernan den mal estado. 

Un trùk i un outo partikular a keda transportá pa kurá na Mahuma, mientras ku un  trèker i un treiler a keda transportá pa tereno di Obranan Públiko. 

E kontròlnan aki lo kontinuá.