KOMUNIKADO KUERPO POLISIAL KÒRSOU Búskeda di Orlando Solano

KOMUNIKADO DI PRENSA 401 /2022
25 ougùstùs 2022
Búskeda di hòmber perdí.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Famia ta pidi búskeda di e hòmber Orlando Solano nasé na Kòrsou, di 65 aña di edat i ta
biba na Cabo Verdeweg.
For di djasabra 20 di ougùstùs 2022 famianan no sa paradero di Orlando. Riba e dia
enkestion un ruman a sali kas lagando Orlando na kas. Na momentu ku e ruman a regresá
no a enkontra ku Orlando na kas. Konosínan a mira Orlando djasabra dia 20 di ougùstùs
alrededor di 14.15’or na altura di Fortuna Minimarket.
Orlando tin e siguiente deskripshon:

Postura: normal;
Kabes: limpi;
Koló di kueru : maron skur.
Orlando tabatin a un kamisa blou ku bloki bloki aden bistí. Tambe e tin un bòlòmbònchi na
su frenta i un tatuage ku “Ruthmila” riba un di su brasanan. Orlando su nomber di kariño ta
“Chulo di Kura Piedra”.
Polis ta supliká tur persona ku por duna kualke informashon tokante di Orlando aki pa tuma
kontakto ku polis na number di telefòn 917 òf e number anónimo 108.

Share this page to Telegram

This site uses Akismet to reduce spam. Learn how your comment data is processed.

%d bloggers like this: