Programa Piloto di Peace Education a kuminsá ku éksito na personal di SDKK i JJIC
Hustisia
Programa Piloto di Peace Education a kuminsá ku éksito na personal di SDKK i JJIC
Publiká riba 25 Mei 2026
Willemstad – Resientemente Sentro di Detenshon i Korekshon Kòrsou (SDKK) i Justitiële Jeugdinrichting Curaçao (JJIC) a partisipá den un programa piloto di e organisashon internashonal ku The Prem Rawar Foundation a desaroyá . E programa di pas aki ta keda duna na mas di 80 pais rònt mundu. A la bes e entrenamentu akί a keda duna na empleadonan di tur dos instituto i ta e promé paso importante pa sigui profeshonalisá, stimulá desaroyo personal i kreá un kultura di detenshon mas positivo den institutonan aki na Kòrsou.
Peace Education Program ta un programa ku ta yuda partisipantenan pa será konosί ku nan mes i tambe e programa ta enfoká riba tema manera pas interno, responsabilidat, komunikashon, maneho di emoshon i kresementu personal. Den diferente paisnan a mira resultadonan positivo riba komportashon, komunikashon entre partisipantenan i motivashon personal.
Komo parti di e programa piloto, un grupo di personal di SDKK i JJIC a terminá e entrenamentu pa bira fasilitadó, pa asina nan por bai implementá e programa akί den e instituto. Den kuadro di esei, ya kaba e fasilitadonan a duna kaba e programa di Peace Education na mas o menos 21 kliente na prizòn di kual 7 ta den fase final di nan kastigu.
Esaki ta marka e promé paso pa ku e programa akί den prizòn i tambe pa ku e trayekto piloto aki a inkluί e personal di diferente disipliná den SDKK i JJIC, manera Personal di PIW’ers, personal di Seguridat, Trahadónan Sosial, Guia di aktividat, personal di HRM i tambe di JJIC. Den lunanan binidero lo kontinuá kue e programa akί bou di mas klientenan di SDKK i JJIC.
Potrètnan di Peace Education
