Dia di Rincon, Òrdu pa listramentu preventivo   // Dia di Rincon, Bevel preventief fouilleren  

23 di aprel 2026 

Òrdu pa listramentu preventivo  

Kralendijk – Fiestanan ku ta kondusí na Dia di Rincon a kuminsá atrobe. Pa sigurá ku e  selebrashonnan ta kana di un manera agradabel i seif pa un i tur, Fiskal Mayó di  Ministerio Públiko BES a emití un òrdu pa listramentu preventivo. E òrdu ta outorisá  polis pa den un área spesífikamente designá, kontrolá kualke hende pa poseshon di  arma riba paña, den tas i ekipahe. Por hasi investigashon tambe den tur medio di  transporte manera outo, motosaikel i skuter ku ta trafiká den e área. Aplikashon di e  òrdu aki no ta rekerí ningun sospecho òf kousa spesífiko. 

Koperashon ku un investigashon asina ta obligatorio. Fayo pa kumpli ku esaki ta un  echo kastigabel i lo resulta den aresto i persekushon. 

E òrdu ta bálido den Playa (centrumgebied) i Rincon manera spesifiká den e òrdu i ta  kore for di 24 di aprel 2026, te ku i inkluso 3 di mei 2026. 

E òrdu aki ta kuadra den e aserkamentu fuerte i integral di poseshon di arma (di  kandela) ilegal. Tur hende ku keda gará ku un arma di kandela por spera akshon  estrikto, ya ku e kampaña di entrega di arma ku a tuma lugá resientemente, entretantu  a keda konkluí. 

Ministerio Públiko BES ta deseá un i tur un Dia di Rincon plasentero i seif.

 

Bevel preventief fouilleren  

Kralendijk – De feestelijkheden in aanloop naar Dia di Rincon zijn weer van start  gegaan. Om de feestelijkheden voor een ieder prettig en veilig te laten verlopen heeft de  Hoofdofficier van Justitie van het Openbaar Ministerie BES een bevel tot preventief  fouilleren afgegeven. Het bevel geeft de politie de bevoegdheid om in een specifiek  aangewezen gebied een ieder te controleren op het bezit van wapens aan kleding,  tassen en bagage. Ook mag er onderzoek worden gedaan in alle vervoermiddelen zoals  auto’s, motoren en scooters die door het gebied rijden. Toepassing van dit bevel vergt  geen specifieke verdenking of aanleiding. 

Het is verplicht om medewerking te verlenen aan zo’n onderzoek. Weigeren daarvan  levert een strafbaar feit op en zal tot aanhouding en vervolging leiden. 

Het bevel is geldig in Playa (centrumgebied) en Rincon zoals benoemd in het bevel en  loopt van 24 april 2026 tot en met 03 mei 2026.  

Dit bevel past binnen de stevige en integrale aanpak van illegaal (vuur)wapenbezit. Wie  met een vuurwapen wordt gepakt kan rekenen op een strenge aanpak aangezien de  recentelijk gehouden inleveractie voor wapens inmiddels is afgerond. 

Het Openbaar Ministerie wenst iedereen een prettig en veilig Dia di Rincon.