En buska di e dama ankrá den proposito, formá pa su isla i kla pa e esenario mas grandi di universo. Inskripshonnan pa Miss Universe Curaçao 2026 a habrí.

En buska di e dama ankrá den proposito, formá pa su isla i kla pa e esenario mas grandi di universo.

 

Inskripshonnan pa Miss Universe Curaçao 2026 a habrí.

 

Willemstad – Curaçao Crowned Queens International (CICQ) orguyosamente ta anunsiá ku inskripshon pa Miss Universe Curaçao 2026 awor ofisialmente ta habrí.

Hende muhé di henter Kòrsou ta keda invitá pa forma parti na un trayekto transformativo ku ta bai mas leu ku e eksperensia di sertámen tradishonal. CICQ ta buskando hende muhé sigur di nan mes, impulsá i ku un propósito ku ta kla pa representá nos isla riba un tarima internashonal.

Kandidatonan mester enkarná outentisidat, liderazgo i un sentido fuerte di responsabilidat sosial, miéntras ku nan ta pashoná pa hasi un impakto signifikante na nivel nashonal i internashonal.

Miss Universe Curaçao no ta solamente un kompetensia. E ta un plataforma pa desaroyo personal, empoderamentu i eksposishon global. E damanan selektá lo pasa un programa di preparashon di nivel haltu enfoká riba komunikashon, ‘branding’ personal i kresementu profeshonal, ekipando nan pa bira bosnan influente i embahadornan di Kòrsou.

E ganadó lo representá Kòrsou na e 75 edishon di e prestigioso sertamen, Miss Universe, na Puerto Rico den luna di novèmber 2026. Adishonalmente, e lo sirbi komo un embahador kultural, mustrando e herensia, identidat di nos poblashon na nivel internashonal.

E ganadó di Miss Universe Curaçao 2026 lo risibí un pakete di premio balorá na XCG 50.000, sosteniendo su trayekto durante henter su reinado i preparashon pa e esenario internashonal.

Tur dama ku e deseo pa bira e siguiente Miss Universe Curaçao tin 10 dia pa apliká riba e página di CICQ: www.crownedqueens.cw pa asina biba E eksperensia di beyesa kombiná ku propósito i ku lo marka un desaroyo signifikante den bida.

 

Pa mas informashon di CICQ, Miss Universe Curaçao 2026 i kon pa apliká: bishitá www.crownedqueens.cw òf  missuniversecw riba plataforma di Instagram i  Curaçao International Crowned Queens riba plataforma di Facebook.

 

Bo ta kla inspirá i liderá ku vishon i propósito pa nos pais? Kristalisá bo soño i apliká awor.