Simadan di Folklor

UPDATE #2: 29 di aprel – Simadan di Folklor

Simadan di folklor a start 6 or di atardi na altura di Bulevar Miguel A. Pourier i Kaya Encarnacion B. Sint Jago. Polis a tene kòntròl riba vehíkulo i e shofùrnan ku ta partisipá den e parada. A kontrolá tur shofùr riba reibeweis bálido i tambe dokumentu di seguro. Tambe a hasi un tèst di supla ku tur shofùr i tur a pasa esaki ku éksito.

Na komienso di a parada, dos vehíkulo a daña ku a kousa ku e parada a stanka. Despues ku a remplasá e vehíkulonan, e parada por a kontinuá.

E kòntròlnan menshoná ta esensial pa seguridat di partisipantenan den parada i e públiko. KPCN ta rekordá tur shofùr pa sòru di tin tur e dokumentonan nesesario i pa no manehá bou di influensia di alkohòl. Kòntròlnan por tuma lugá na kualke momentu durante e marcha.