5 di MEI 2026 Charla: “ E PODER DI AWOR ” na Sentro di bario Souax

5 di MEI 2026 Charla: “ E PODER DI AWOR ” na Sentro di bario Souax

Fundashon Pro Souax ta anunsiá ku djamars 5 di mei próksimo lo tin
e siguiente charla di e siklo di charla riba “Temanan Sikológiko”. Meta di e charlanan aki ta pa duna informashon i di e forma aki, hasi habitantenan di Souax i bisindario i tambe otro interesadonan mas konsiente di importansia di kuido di nan salú mental pa logra bienestar emoshonal, sikológiko i sosial balansá.
E charla ta na enkargo di e konosido sikólogo drs. Vivian Lucia i lo ta grátis.
Durante e charla di 5 di mei próksimo e sikólogo lo trata e tópiko:

“ E PODER DI AWOR ”

Sikólogo sra. Vivian Lucia lo amplia riba e konsepto di “E Poder di Awor”.
E lo splika kon biba konsiente den e “awor”, preokupá ménos tokante pasado òf futuro i eksperensiá mas pas i balansa den bida diario. Kon hasi pa bo ta mas konsiente di e momentu presente en bes di pèrdè bo mes den preokupashon i ansiedat tokante pasado òf futuro. Un i tur ta keda kòrdialmente invitá pa bin skucha, amplia bo konosementu i probechá hasi bo preguntanan riba e tópiko interesante aki.

Entrada ta grátis i lo tin amplio oportunidat pa hasi pregunta.

                                                        Charla riba TEMA SIKOLOGIKO

Tópiko   : “ E PODER DI AWOR ”

Oradó   : SIKOLOGO Sra. Vivian Lucia

Dia        : Djamars 5 di MEI 2026

Ora        : Shet’or pa mitar di nuebe di anochi  (19.00 – 20.30)  

Lugá   : Sentro di bario Souax                            

Entrada  : GRATIS