Obispado di Willemstad i Pastor Lucho tambe a partisipá na Dia di Rei pa promové i evangelisá riba e tema di : Aborto – Eutanasia i Suisidio.

Komishon Pro Bida, un grupo Apostolado salí for di Obispado di Willemstad, ku su Direktor Spiritual Pastor Luis “Lucho” Bolivar,  tambe a partisipá  Dia di Rei pa promové i evangelisá riba e tema di :

Aborto – Eutanasia i Suisidio.

Komishon Pro Bida ta un movementu di hende konsiente, ku ta tuma akshon pa protegá bida di esnan debil, for di konsepshon te ku morto natural i pa defendé esnan ku no por defendé nan mes.

Pro Bida ta kontra-arestá e holokousto ku ta aborto, suisidio i eutanasia.

Pro Bida ta e kontesta di un kristian komprometí, ku ta respetá e mandamentu di Dios : ” No mata” – Eksodo 20 : 13

Si abo of un miembro di bo famia, of un konosí ta pasa den un situashon, kaminda aborto, suisidio i tambe eutanasia ta pasa den mente i kurason, por fabor tuma kontakto ku nos na number di telefon di Obispado di Willemstad : 462-5876

Komishon Pro Bida ta konsisti di diferente miembronan manera,

sikólogo, médiko, enfermera, partera, dosente, religioso, saserdote i demas laikonan komprometí.

Riba e fotonan aki por mira miembronan di Pro Bida dia di Rei den Punda.