A Trip To Christmas tabata fenomenal riba Freewinds
A Trip To Christmas tabata fenomenal riba Freewinds
Djamars anochi a tuma lugá riba e barku Freewinds un konsierto pa rekoudá fondo pa Grupo di Karnaval Hubenil “Grupo Paraiso Hubenil” pa yuda nos hóbennan pa Marcha Hubenil 2020.
Ku un tremendo koperashon di nos artistanan lokal, Roxy Rozal, Jill Frans, Yentje Silvanie, Gilltaly Doran & Tito Doran, Ebony Gwenn Martis, Liesje Lispier, Joel Villareal i e Koristanan, e públiko a gosa sigur di e ambiente di Fin di Aña. Un danki di kurason na kada un di nan pa a hasi e anochi aki grandi.
Un danki tambe ta bai na nos spònsernan ku a kontribuí na regalo pa nos artistanan i pa nos por a rifa algun premio di porta. Danki na Obelisque Flowers, ACOYA Resort Curaçao, Palapa Resort, Holiday Occasions by Roosevelt Center, Cyrell’s Aesthetic Feet.
E públiko ku a kontribuí na kompra di un karchi i tambe e empresanan ku a koperá i ku algun karchi.
Nos ta sumamente satisfecho i gradesí na boso tur. Por sigui desaroyo di Grupo Paraiso Hubenil via di nos página riba Facebook i ainda tin algun lugá ku por inskribí pa Marcha Hubenil 2020 òf por yama na telefon 525 2222.
