KÓDIGO HEL: UN MENSAHE DI PREKOUSHON PA LAMAN BRUTU TA NA VIGOR. Pronóstiko di tempu pa Kòrsou i bisindario bálido te djaweps mainta 6:00 o.l, 31 di òktober 2019.

Pronóstiko

Pronóstiko di tempu pa Kòrsou i bisindario bálido te djaweps mainta 6:00 o.l, 31 di òktober 2019.
Kompilá: djárason 30 di òktober 2019, 05:00 o.l. (09:00 UTC).

KÓDIGO HEL: UN MENSAHE DI PREKOUSHON PA LAMAN BRUTU TA NA VIGOR.

Tempu: Por lo general shelu ta parsialmente nublá ku algun áwaseru pasahero durante di awe i tambe djaweps.

Temperatura máksimo lo alkansá 33 ºC, i temperatura mínimo di 26 ºC.
Solo ta sali 06:28 i ta baha 18:11 o.l.

Bientu: For di direkshon ost nortost i suak te moderá; forsa 2 te 4 (7 te 30 km/ora, 4 te 16 nudo).

Situashon general: Un ola tropikal situá riba parti oriental di Laman Karibe ta move poko poko di ost pa wèst i ta sòru pa un ambiente faborabel pa desaroyo di nubia kapas pa produsí áwaseru riba partinan di Kòrsou i su bisindario. Di otro un banda, laman serka di kosta na nort i ost di e isla ta kontinuá un poko brutu pa motibu di resake. Na mes momento, e fluho di bientu ta bira mas suak, di manera ku laman na e otro lugánan lo ta mas trankil.

Kondishon di laman: Trankil te moderá ku altura di olanan ménos ku 1 meter (3 pia). Olanan na kostanan nort i ost lo ta mas haltu, entre 1 te 2.5 meter (3 te 8 pia).

Sistemanan signifikante di wer tropikal: Ningun.

Fenómeno spesial: Ningun.

Perspektiva te djabièrnè mainta: Nubianan lo sigui oumentá de bes en kuando i lokalmente ku algun áwaseru.

Meteorólogo: Coffie