May 11, 2026
Latest:

KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

DESPUES DI 10 AÑA, UN VLCC TA BOLBE NA BULLEN BAY PA UN TRANSAKSHON DI 2 MIYON BARI DI KRUDO / AFTER 10 YEARS, A VLCC RETURNS TO BULLEN BAY FOR A TRANSACTION OF 2 MILLION BARRELS OF CRUDE OIL

REDAKSHON

2BAYS Curaçao

DESPUES DI 10 AÑA, UN VLCC TA BOLBE NA BULLEN BAY PA UN TRANSAKSHON DI 2 MIYON BARI DI KRUDO

Willemstad – Djarason 6 di mei ta marka e dia históriko ku un Very Large Crude Carrier (VLCC) a bolbe mara na e fasilidatnan di 2BAYS Curaçao na Bullenbaai pa transakshon di krudo. Na aña 2016 tabata e último bia ku Kòrsou a risibí bishita di un VLCC pa metanan petrolero. E VLCC ku ta bishitá nos hafnan lo tuma kasi 2 mion barí di krudo ku ta aktualmente almasená den e tankinan na Bullenbaai, i lo transportá esaki pa distansia largu. Ku esaki ta referí na paisnan manera por ehèmpel China, India i Oropa. Pa 2BAYS i CRU esaki ta un bunita desaroyo, pa kua nan a bin ta prepará debidamente e último tempu. Sigur esaki ta un proseso ku lo benefisiá tantu e dos kompanianan komo ekonomia di Kòrsou.
Manera ta konosí, na komienso di aña 2026 2BAYS a kuminsá risibí diferente barku ku a bishitá e fasilidatnan na Bullenbaai pa almasená krudo prosedente entre otro for di Venezuela. Alabes, tabatin diferente barku ku a buska krudo pa hiba na otro paisnan. E 2 mion barí di krudo ku e VLCC ta buska ta hustamente krudo ku a bini Kòrsou e aña aki.
Un VLCC ta un barku di mas o ménos 300 pa 350 meter largu, i 50 pa 65 meter hanchu. Pa duna un idea konkreto di kiko e sifranan aki ta nifiká, por pensa ku un VLCC su largura ta ekivalente na 3 vèlt di futbòl. E loke ku semper a hasi nos fasilidatnan na Bullenbaai interesante ta e kapasidat pa akomodá entre otro barkunan grandi manera VLCC, komo ku e laman na e parti di e kosta aki ta hopi hundu.
Pa por prepará pa e yegada di e VLCC aki, empleadonan di CRU i tambe kontratistanan lokal a hasi diferente mantenshon na e infrastruktura operashonal i tambe nan a haña kurso pa refreská e memoria pa loke ta bon maneho di un barku di e embargadura aki na Bullenbaai. Tambe a alineá ku KTK pa sòru pa sufisiente ‘loods’ ta disponibel pa guia e VLCC su yegada. Ta spera ku e proseso di transakshon di krudo lo kana di forma eksitoso i ku pronto nos lo bolbe risibí barkunan di e magnitut aki na Kòrsou.

AFTER 10 YEARS, A VLCC RETURNS TO BULLEN BAY FOR A TRANSACTION OF 2 MILLION BARRELS OF CRUDE OIL

 

Wednesday, May 6 marks a historic day as a Very Large Crude Carrier (VLCC) has returned to dock at the 2BAYS Curaçao facilities in Bullen Bay for a crude oil transaction. The last time Curaçao received a VLCC for oil-related operations was in 2016. The VLCC currently visiting our harbor will load nearly 2 million barrels of crude oil that are stored in the tanks at Bullen Bay and transport it over long distances. This includes destinations such as China, India, and Europe. For 2BAYS and CRU, this is an important and positive development, one they have been diligently preparing for over the past period. This process is expected to benefit both companies as well as the economy of Curaçao.

In early 2026, 2BAYS began receiving various vessels at the Bullen Bay facilities to store crude oil, including shipments from Venezuela. At the same time, other ships have been loading crude oil to transport it to different countries. The 2 million barrels being loaded onto this VLCC are part of the crude oil that arrived in Curaçao earlier this year.

A VLCC is a vessel approximately 300 to 350 meters long and 50 to 65 meters wide. To give a clearer picture, its length is about three football fields. What has always made the Bullen Bay facilities attractive is their ability to accommodate very large ships like VLCCs, thanks to the deep waters along this part of the coast.

To prepare for the arrival of this VLCC, CRU employees and local contractors carried out maintenance on the operational infrastructure. They also received refresher training on how to properly handle a vessel of this size at Bullen Bay. Coordination was also done with KTK to ensure that enough pilots were available to guide the VLCC safely into the harbor. The crude oil transfer process is expected to proceed successfully, and there is hope that Curaçao will soon welcome more vessels of this scale again.

Share this page to Telegram
639114718427035"
639114718427035"