Prome Minister di Aruba Mike Eman  A firma acuerdo: Pocopoco e porta pa Union Europeo mas cerca di Aruba

Awe tardi, na Queen Beatrix International Airport, Gobierno di Aruba, Aruba Airport Authority, KLM Royal Dutch Airlines y Royal Schiphol Group a firma un Memorandum of Understanding (MoU) cu enfoke riba innovacion, conectividad y “Seamless Travel”.

Prome Minister Mike Eman a destaca cu esaki ta un paso importante pa posiciona Aruba mas fuerte den mapa mundial di aviacion.

E vision ta cla: explora EU pre-clearance – fortalece conectividad cu Europa – crea un experiencia di biahe mas rapido y digital

Aruba ta sigui construi riba su exito cu pre-clearance cu Merca, cu ambicion pa bira un hub innovador entre Europa y Caribe. Un colaboracion cu ta habri caminda pa oportunidadnan nobo pa economia y conectividad internacional.