MFK a elegí direktiva nobo pa e periodo 2026-2028

 

 

Willemstad, 19 di mei 2026,

 

Tópiko : MFK a elegí direktiva nobo pa e periodo 2026-2028

 

Partido Movementu Futuro Kòrsou(MFK) djamars 19 di mei 2026, a tene un reunion general durante kua a elegí un direktiva nobo pa e periodo 2026-2028.

 

E elekshon aki ta marka un momentu importante den kontinuashon di e desaroyo di MFK, basá riba e mesun balornan demokrátiko, vishon i kompromiso ku e partido semper a defendé.

 

Despues di un proseso demokrátiko i transparente, miembronan a elegí señor Ramon Yung komo presidente pa guia e organisashon den e periodo aki. 

 

Ademas, e siguiente personanan a wòrdu elegí komo miembro di e direktiva;

• Fergino Brownbill – Sandy Losiabaar
• Juniël Carolina – Rigoletto Thode
• Mercée Doran

 

Lider polítiko sr. Gilmar Pisas lo forma e di shete miembro pa e direktiva nobo aki. 

 

Den su prome palabra señor Ramon Yung a ekspresá  su graditut pa e konfiansa depositá den su persona i den e tim nobo. “Keda elegí awe nochi komo Presidente di MFK, no ta un vikrotia pa Ramon Yung, pero un viktoria pa unidat, vishon komún, pa kresementu i desaroyo no solamente pa MFK komo organisashon polítiko, pero pa kada siudadano di nos pais. P’esei mi ta asumí e responsabilidat aki ku hopi humildat, determinashon i un kompromiso profundo pa sirbi nos partido i nos organisashon polítiko ku integridat. Huntu nos por konstruí un futuro ku speransa i perspektiva pa kada siudadano di nos pais.”

 

Señor Ramon Yung a ekspresá su apresio profundo na presidente saliente, sr. Sithree van Heydoorn i e miembronan saliente di e direktiva, pa nan dedikashon, kompromiso i kontribushon balioso na fortalesementu di e partido durante nan periodo.

 

Durante e prome reunion di e direktiva lo definí e repartishon i asigná e funshonnan manera vise-presidente, sekretario i tesorero. Informashon adishonal tokante e konstelashon final lo keda komuniká oportunamente.

 

Direktiva di Movementu Futuro Kòrsou