” Deklarashon di Parlamentario Juniël Carolina “

” Deklarashon di Parlamentario Juniël Carolina “

Siman pasá durante un manifestashon na porta di Domein Beheer, mi persona a wordu difama públikamente den un entrevista den TV – Direct.

Mi a wordu akusa i hasta provoka sin ningun prueba.
Mi ta respeta libertat di ekspreshon, pero mi ta rechasa e tipo di agreshon personal i deklarashonnan falsu ku ta hasi daño na reputashon di un persona.

Mi a spera ku e mesun medio ku a transmití e difamashon aki lo brinda mi persona e oportunidat pa ekspresa e otro banda di e medaya, manera ku ta normal i hustu den periodismo balansá.

Kisas mi a ekspresa mi mes un tiki fuerte, pa ku e momento ku mi persona a wordu akusa den públiko via TV – Direct dor ku mi no a risibi e mesun trato ku otro parlamentario, koloboladornan i politikonan opositor ta haña, pa splika e otro banda di medaya.

Sin embargo, mi ta sigui konfia ku e pueblo por hasi su propio huìsio i mi ta sigui enfoká riba mi trabou den Parlamento pa Kòrsou.

Juniel Carolina
Parlamentario pa Frakshon di Movementu Futuro Kòrsou (MFK)