Detenshon relashoná ku violashon di lei di arma di kandela 

 

KUERPO POLISIAL KÒRSOU 

KOMUNIKADO DI PRENSA

156/2026

21 mei 2026 

Detenshon relashoná ku violashon di lei di arma di kandela 

Kontinuando ku investigashon, djárason 20 di mei 2026, personal di reshèrshi  a hasi un detenshon. 

Relashoná ku un kaso di violashon di lei di arma di kandela ku a tuma lugá dia  18 di mei 2026 na un snèk na Flip, polis a detené e hòmber J.J.C.E. di 25 aña di  edat nasé na Kòrsou. 

Su detenshon a tuma lugá alrededor di 15.00’or na Curaçao International  Airport. 

A presentá e sospechoso dilanti di un fiskal ouksiliar, ku a ordená su  enkarselamentu pendiente di mas investigashon.