No ta pèrmití pa parker riba e dos vianan prinsipal di Hamelbergweg.

Willemstad – Servisio pa Obra Públiko (OW) ta informá komunidat ku no ta pèrmití pa parker riba e dos vianan prinsipal di Hamelbergweg.

E kaya aki a habri ofisialmente ayera i awor vehíkulo por kore di ambos via. E strepinan pretu ku hel na e rant di e kaya ta nifiká ku no por stashoná ni para warda riba e kaya.

Na momentu ku un vehíkulo stashoná riba e kaya, Kuerpo Polisial lo laga kita e vehíkulo aki.

Ban evitá esaki i asina respetá nos reglanan di tráfiko!