NOS ‘BONDSCOACH’ADVOCAAT A TENE RUEDA DI PRENSA NA NOORDWIJK!

NOS ‘BONDSCOACH’ADVOCAAT A TENE RUEDA DI PRENSA NA NOORDWIJK!

 

Nos ‘bondscoach’, Dick Advocaat a tene un rueda di prensa, awe na Huis Ter Duin na Noordwijk.

 

E enkuentro ku prensa a tuma lugá, 1 ora despues ku medionan di komunikashon lokal i internashonal a tene un seshon di “one on one” ku miembronan di e selekshon.

 

Durante e rueda di prensa, Advocaat a splika ku e selekshon a prepará e dianan tras lomba na un manera satisfaktorio. Advocaat a hiba bon palabra pa Kòrsou, splikando ku nos ta un pais bunita.

 

Awe Kòrsou a hiba un delaster seshon di entrenamentu na e kompleho di SJC riba Lageweg na Noordijk. E seshon a tuma lugá den forma habrí pa públiko.

 

Despues di e seshon di entrenamentu, e selekshon a bai bèk hòtèl pa prepará nan biaha pa Glasgow, Eskosia unda nan ta hunga un amistoso kontra e selekshon lokal. E wega ta tuma lugá den Barclay’s Hampden Park riba djasabra 1 pm, ora lokal (Eskosia).

 

28 mei 2026