NOS SELEKSHON TA NA ESKOSIA PA SIGUI PREPARÁ PA NOS PARTIDO DI FOGEO DI MAÑAN!

NOS SELEKSHON TA NA ESKOSIA PA SIGUI PREPARÁ PA NOS PARTIDO DI FOGEO DI MAÑAN!

 

Awe mèrdia nos selekshon nashonal a yega Glasgow, Eskosia, pa nan partido di fogeo di mañan kontra seleksho nashonal di e pais.

 

Nos selekshon ta hospedando den Marriott Glasgow i awe ‘tardi 4’or, despues ku nos ‘bondscoach’ Dick Advocaat i nos kapitan Leandro Bacuna, a duna un rueda di prensa, nos selekshon ta tin un seshon di entretenamentu.

 

Tantu e rueda di prensa komo e entrenamentu a tuma lugá den Hampden Park, stadion nashonal di Eskosia. Hampden Barclay’s, ta un kompleho di futbòl ku kapasidat di 52 mil fanátiko. E ta ubiká den area di Mount Florida na Glasgow. SFA, Asosashon Eskoses di Futbòl ta popietario di e kompleho. E ta e di 11 stadion mas grandi den Reino Unido. E stadion tin e rekórt di asistensia den Reino Unido ku 149.547 fanátiko na 1973, durante un wega di Eskosia vs Inglatera. 

 

Nos selekshon a hiba un práktika leve pa rekonosé e tereno, ku ta den un estado ekselente di mantenshon. E wega ta programá pa tuma lugá mañan djasabra 1’or di mèrdia ora lokal na Glasgow.

 

29 mei 2026