MINISTER MIDDELHOF TA REUNÍ KU JUNTA DE AVIACIÓN CIVIL I DIFERENTE KOMPANIA DI AVIASHON NA REPÚBLICA DOMINICANA PA FORTALESÉ KONEKSHON AÉREO

Minister di Desaroyo Ekonómiko, Dr. Roderick Middelhof, durante su bishita di trabou na República Dominicana a reuní ku representantenan di Junta Aviación Civil (JAC) i algun kompania di aviashon.

Durante e reunion, a enfoká riba e posibilidat pa fortalesé e konekshon aéreo entre Kòrsou i República Dominicana, ku e meta pa posishoná Kòrsou komo un “hub” den karibe. Diferente di e kompanianan di aviashon ku tabata presente den e reunion aki a mustra gran interés den oportunidatnan ku Kòrsou ta ofresé, tantu riba tereno di turismo komo den amplia òf kreá mas konektividat aéreo entre Kòrsou i República Dominicana.

Minister Middelhof ta sigui traha pa mehorá aksesibilidat di Kòrsou i stimulá mas aktividat ekonómiko i turístiko pa nos pais.